Mir flüüged dur Chugelhagel

from by Anna & Stoffner

/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.

      1 CHF  or more

     

lyrics

MIR FLÜÜGED DUR CHUGELHAGEL


De Michael Jackson hätt en Grabstei us Plastik,
farbigi Bilder, Disneyland für Erwachsni.
Eusi Helde verchaufed eus Turnschueh, Autos, Coci, aber kei Idee.
Alles schiint so i 3D, sisch glatt wie Iis, mir rutsched id Zuekunft.
Bi froh ischs am Fernseh so liecht,
stell en ab, isches plötzlich so still.
Di ganz Ziit, so vill, ich fröög mich warum er nöd explodiert.
Di Alte sind all so jung und di Junge so erwachse,
mir wüssed all scho Alles und wänd gliich no wachse.

Und mir schaffed vill, trinked vill, rauched nüm und werded still.
Mir tanzed vill, chaufed vill, wänd so vill und sind so voll.
Mir gsend so vill, ässed vill, müend so vill und werded still.
Mir figged vill, wänd so vill, händ so vill und sind so voll.

Mir sind so voll und wänd so vill und frööged eus nach eme Sinn,
und sueched en und findet nüüt, mir mached en mir bilded en.
Mir spränged all di leere Bilder, spränged all di leere Wort,
tanzed ufem Bombekrater, sueched eus en schönre Ort.
Und si schreied eus id Ohre und si rüered Stei nach eus,
doch mir lached vode Dächer und mir lached vode Bäum.
Und mir flüüged los, dur de Chugelhagel,
und mir flüüged wiiter, sueched en Platz zum lande.

Und mir lönd eus trääge dur de wiiti Himmel,
und gsend all die Liechter und es isch ganz still.
Und mir müend nüüt werde oder sii, womer nie sind gsi.
All das wird ganz chlii, all das verschwindt.

Und mir sind wild und sind verliebt,
lueged ume, chönd wieder stuune,
finded use, Luft zum schnuufe,
sueched Sinn au wänns sinnlos isch.

Und mir sind still und sind ellei,
lueged ume, chönd wieder stuune,
finded use, Luft zum schnuufe,
sueched Sinn au wänns sinnlos isch.

credits

from Anna & Stoffner, released January 7, 2011

tags

license

all rights reserved

about

Anna & Stoffner Zürich, Switzerland

contact / help

Contact Anna & Stoffner

Streaming and
Download help